Psalm 8
E Devleskiri Slava
E Davideskoro Psalmi
1Gospodar, Devla amareja! Kobori tano veličestveno Tlo anav ki celo phuv; Tu vazdingjan Tli slava upreder o nebesia.
2Taro muj e tikne čhavengoro hem e tikne maksmengoro koj pijena pe dajendar thud, zacvrstingjan Tuke sila baši Tle dušmajna, za da te čhivelen te kjutinen: o dušmani hem o odmazdniko.
3Koga dikhava Tle nebesia, o delo Tle najengoro; i mesečina hem o čerejna so čhigjanlen:
4Soj tano o manuš za da te spomnine Tut baši leste? Ili o manušikano čhavo za da te posetinele?
O manuš tano venco taro javer so kjergja
5A Tu kjergjanle samo hari potele taro angejlja hem ovenčingjanle slavaja hem čest.
6Čhigjanle baši gospodari upreder o dejlja Tle vastengoro; hem sa čhigjan leske teleder o pre leskere:
7sa o bakhre hem o guruva, hem o polska dzvejra ko odova;
8o nebesna čiriklja hem o morska mačhe hem sa so nakhela e moreske ko drumia.
9Gospodar, Devla amareja! Kobori tano veličestveno Tlo anav ki celo phuv.