О Господари мло аракхела ман

(Гили баши слава е Девлеске)

¹Ваздава мле јајкха ко планине: котар ка авел манге ми помош?

²Мли помош тани таро Господари, Кој ќерѓа о небо хем и пхув.

³Ов нае те мукел те сопнинелпе тло про хем Ов нае те астареле дремка, тло Чувари.

⁴На, на дреминела хем на совела Ов, е Израелескоро Чувари.

⁵О Господари тано тло Со аракхела тут, о Господари тано тли сенка, ко тло десно вас.

⁶О кхам нае те ќерел туке штета дивеја, ни и месечина раќате.

⁷О Господари ка аракхел тут таро секова билачхипе, ка аракхел тли душа!

⁸О Господари ка аракхел тло иклојбе хем иранибе, отакана хем довек.