Поднесин сар шукар војнико

¹Хем аѓар, ту мо чедо, зајакнин ки благодат, која тани ко Христос Исус! ²Хем со шунѓан мандар, англо бут сведоќа, доверинле ко поверлива мануша, кој ка овен способна те поучинен хем јаверен!

³Поднесин манцар о цидиба, сар шукар војнико е Христа Исусескоро! ⁴Никој, кој тано ки воено служба, на заплеткинелапес ко буќа акале животоскере, за да те угодинел околеске со повикујнѓале ки војска. ⁵Исто аѓар, ако некој натпреваринелапе, на добинела венцо ако на натпреваринелапе прописно. ⁶О Земјоделцо кој трудинелапес требела прво те пробинел таро плодиа. ⁷Хајљов со ваќерава, о Господари ка дел тут те хајљове са.

⁸Спомнин е Исусе Христо, Кој воскреснинѓа таро муле, Кој тано таро е Давидескоро потомство, според мло Евангелие, ⁹баши кова цидава са џи ко пханлипа, сар дисаво билачхо мануш. Ама е Девлескоро слово нае тано пханло. ¹⁰Баши одова издржинава са баши о избириме, та хем олада те добинен спасение е вечно славаја ко Христос Исус.

¹¹Веродостојно тано о слово:

Наш таро терникане желбе

¹⁴Акава опоменинлен, сериозно предупрединлен англо Девел, те на препириненпе баши о лафиа, одова нае тано ништо корисно, него тано пропаст баши окола со шунена.

¹⁵Трудин тут пажливо, за да те сикавету тут достојно англо Девел сар работнико, кој на требела те лаџал, кој правилно проповединела о слово е чачипаскоро!

¹⁶А циде тут таро нечиста хем чуче лафиа, соске асавке са повише ка џан англал ко бизодевлипа. ¹⁷А ленгоро слово ширинелапе сар рако; таро кој тане о Именеј хем о Филет, ¹⁸кој цидингепе дур таро чачипе, тврдинена дека о воскресение веќе уло хем одолеја рушинена и вера некаскири.

¹⁹Сепак цврсто бешела е Девлескири основа, која исила акава печати: „О Господари пенџарела кој тане Лескере“ хем „Те циделпе тари неправда секој, кој спомнинела е Господарескоро анав.“

²⁰А ко баро кхер иси на само златна хем сребрена чаре него хем каштескере хем пхувјакере. Јек тане баши свечено употреба, а јавера баши секова диве те употребинен. ²¹Хем аѓар, ако некој очистинѓапес таро акала, ка овел чаро баши свечено употреба, осветимо, корисно е домакинеске хем спремимо баши секова шукар дело.

²²Наш таро терникане желбе! Џа пали правда, вера, мангипе хем мир околенцар кој повикујнена е Господаре таро чисто срце.

²³Фрделен о глупава хем бизогоѓакере пучиба, џандипаја дека бијанена борбе. ²⁴А е Господарескоро слуга на смејнела те распрајнелпес, него требела те овел кротко ко сарине, способно те поучинел хем те трпинел; ²⁵те воспитинелен со кротост окола кој противиненапес, та неби ли делален о Девел покајание, баши пхердо пенџариба е чачипаскоро, ²⁶за да те отрезиненпес тари мрежа е бенгескири, кој заробинѓален за да те исполнинен олескири војља.