Psalm 121

O Gospodari mlo arakhela man

(Gili baši slava e Devleske)

¹Vazdava mle jajkha ko planine: kotar ka avel mange mi pomoš?

²Mli pomoš tani taro Gospodari, Koj kjergja o nebo hem i phuv.

³Ov nae te mukel te sopninelpe tlo pro hem Ov nae te astarele dremka, tlo Čuvari.

⁴Na, na dreminela hem na sovela Ov, e Izraeleskoro Čuvari.

⁵O Gospodari tano tlo So arakhela tut, o Gospodari tano tli senka, ko tlo desno vas.

⁶O kham nae te kjerel tuke šteta diveja, ni i mesečina rakjate.

⁷O Gospodari ka arakhel tut taro sekova bilačhipe, ka arakhel tli duša!

⁸O Gospodari ka arakhel tlo iklojbe hem iranibe, otakana hem dovek.