Сар ваљани те овен о ромња хем о рома

¹Aѓар хем туменда, о џувља, овен покорна тумаре роменге, хем ако некој на покоринелапе е словоске, те овен придобиме бизо слово, е понашајеја таро ленгере ромња, ²кога ка дикхенле тумаро понашај ки дар хем чистота.

³Тумаро дотериба те на овел авријалдан: ко плетиба о бала, ко чхиба злато или ко урајба разна шеја, ⁴него: андре ко мануш ко срце, ко дотериба со на преперела, е кротко хем е мирно духоја, сој тано баро вредност англо Девел. ⁵Соске аѓар некогаш дотериненапе сине о света џувља, кола со надиненaпес сине ко Девел хем покориненапе сине пе роменге, ⁶сар со сине и Сара послушно е Авраамеске, хем викинелале сине господар: тумен сијен лакере чхаја кога ќерена шукар, те на даран тари нисави дар.

⁷Аѓар хем туменда, о рома, живинен шукар те хајљовен тумен тумаре ромненцар сар послабо чаро, сикавен оленге почитување сар сонаследниќа тари благодат е животоскири, за да те овен тумаре молитве бизо пречка.

Те циден тумен таро билачхипе

⁸Најпосле, овен сарине сложна ко мисле, сочуствителна, мангипе пхраликано, милосрдна, понизна, ⁹ма иранен билачхипа билачхипаске, или навреда навредаке, него напротив, благословинен, соске повикујме сијен одолеске, за да те наслединен благослов. ¹⁰Соске

Цидена баши правда

¹³Хем кој ка ќерел туменге билачхипе, ако џана пало шукарипе? ¹⁴А ако хем цидена баши правда, овен блажена! ‘Ма даран, ниту ма вознемиринен тумен таро оленгере закане,’ ¹⁵него осветиненле ко тумаро срце е Христо сар Господари, секогаш спремна баши одговор баши секаске, кој роделала и причина тари надеж, која тани ки туменде, ама со кротост хем дараја, ¹⁶те овел тумен шукар совест, та окола кој наврединена тумаро шукар понашај ко Христос, те лаџан баши одова баши со клеветинена тумен. ¹⁷Соске тано пошукар, ако мангела е Девлескири војља, те циден ќерибаја шукар отколку те ќерен билачхе.

¹⁸Соске хем о Христос муло јек пути баши о гревиа, Праведно баши е неправеднонге, за да те ингарел амен ко Девел; чаче, Ов, Кој сине мудардо ко тело, оживинѓа ко Духо; ¹⁹ки Лесте, Ов гело тогаш, хем објавинѓа е духонге сој тане ко пханлипа, ²⁰кола сине непокорна некогаш, кога е Девлескоро трпение уџарелален сине е Ноеске ко време џи коте градинелапе сине о ковчег, коте само хари олендар, односно овто душе спасингепе преку пани.

²¹Ки акаја слика одговоринела, о крштевање – кова нае тано отстраниба и телесно нечистотија, него тано одговор баши шукар совест ко Девел - акана хем туменда спасинела, преку воскресение е Исусе Христоскоро, ²²Кој тано десно таро Девел, откога гело ко небо, коте покорингепе Леске о ангејља, хем о властиа, хем о силе.