O Dživdo Bar hem o birimo narodo

¹Hem agjar, čhiven ki strana sekova bilačhipa hem sekova hovajbe, dujmujalipa, zavist, hem bilačhe lafi nekaskoro te kjeren. ²Sar neve bijande čhave, dikhen te oven žedna palo čisto duhovno thud e Devleske ko Slovo, za da te bajron preku leste baši o spasenie, ³ako ukusingen deka o Develi tano šukar.

⁴Aven ko Isus, Ovi tano o dživdo Bar, Kas so čače o manuša frdingele, ama Ovi tano Koj tano birimo taro Devel, hem skapoceno. ⁵Hem korkori tumenda, sar dživde bara, gradinena tumen ko duhovno kher, za da te oven sveto sveštenstvo, za da te den duhovna žrtve, kolaj tane ugodna e Devleske, preku o Isus Hristos. ⁶Soske pišinela ko Sveto Pismo:

⁷Agjar, baši tumenge, koj so verujnena, Ovi tano skapoceno; a baši okola kola so na verujnena,

⁸hem:

ki koja sopninenape okola, so na šunena hem na verujnena e Devleskoro Slovo, baši soske tane hem opredelime.

⁹A tumen sijen izbirimo rodo, carsko sveštenstvo, sveto narodo, narodo so pripadinela e Devleske, za da te vakjeren te širinen o slavna dejlja Okoleskere, Koj vikingja tumen taro karanluko ki Pli čudesno svetlina, ¹⁰tumen kola nekogaš na sijen sine narodo, akana sijen Devleskoro narodo; tumenge kola nekogaš na sine milost, akana isi tumen dobingen e Devleskiri milost.

¹¹Mangljalen, molinava tumen: sar privremena žitejlja hem jabandžie ki akaja phuv sijen, te ikjeren tumen taro e teloskere želbe, soske ola marenape protiv i duša. ¹²Ponašinen tumen šukar maškar o narodo, agjar so, baš ko odova baši so kjerena tumen kriva, hem napadinena tumen sar manuša so kjerena bilačhipa, upri odova koga ka dikhen tumare šukar dejlja, te proslavinen e Devle ko dive e posetakoro.

Te ova pokorna baši o vlastia

¹³Zbog o Gospodari pokorinen tumen baši sekoja manušikani vlast: bilo caroske, sar vrhovno vladeteli, ¹⁴bilo e upravitelenge, sar oleskere pratenikja soj čhivde, baši te kazninenlen okolen bilačhipe so kjerena, a te pofalinenlen okolen šukaripa so kjerena. ¹⁵Soske akavaj tano e Devleskiri vojlja, kjeribaja šukar te phanden o muja lengere hem o bidžandipa e bigogjakere manušengere. ¹⁶Iako sijen slobodna, ama ma upotrebinen i sloboda, sar pokriv e bilačhipaske, nego sar Devleskere sluge. ¹⁷Poštojnen sarinen, mangen o phralipa, daran taro Devel, poštojnenle e caro.

¹⁸Tumen o sluge, pokorinen tumen lenge tumare gospodarenge celosno daraja, hem na samo e šukarenge hem e krotkonge, nego hem okolenge, soj nae tane pravedna. ¹⁹Soske odovaj tano vredno e Devleske ko jajkha, koga nekoj cidela nepravedlivo hem podnesinela muke, ha-tri e Devleskoro. ²⁰Zarem bi ovela sine falibaske, ako trpinena kazna so zaslužinena? Ama ako kjerena šukar, a sepak palem cidena, odovaj tano vredno e Devleske ko jajkha.

O Hristos muklja primer

²¹Soske baši odova sijen vikime, soske hem o Hristos cidingja baši tumenge, hem muklja tumenge primer, za da te džan palo oleskere čekojra:

²³Ov Koj sine navredimo, na iranela sine navredaja; koga cidela sine na zakaninelape sine, nego predajngjape Pes Okoleske, Koj sudinela pravedno. ²⁴Ov korkori ko Plo telo legargja amare grevia ko krsto ko kaš, ta amen, te ova mule baši o grevia, te živina baši pravda; preku Oleskere rane sastilen tumen.

²⁵Soske phirena sine sar našavde bakhre, ama akana irangen tumen ko Pastiri hem o Čuvari taro tumare duše.