Podnesin sar šukar vojniko

¹Hem agjar, tu mo čedo, zajaknin ki blagodat, koja tani ko Hristos Isus! ²Hem so šungjan mandar, anglo but svedokja, doverinle ko poverliva manuša, koj ka oven sposobna te poučinen hem javeren!

³Podnesin mancar o cidiba, sar šukar vojniko e Hrista Isuseskoro! ⁴Nikoj, koj tano ki voeno služba, na zapletkinelapes ko bukja akale životoskere, za da te ugodinel okoleske so povikujngjale ki vojska. ⁵Isto agjar, ako nekoj natprevarinelape, na dobinela venco ako na natprevarinelape propisno. ⁶O Zemjodelco koj trudinelapes trebela prvo te probinel taro plodia. ⁷Hajljov so vakjerava, o Gospodari ka del tut te hajljove sa.

⁸Spomnin e Isuse Hristo, Koj voskresningja taro mule, Koj tano taro e Davideskoro potomstvo, spored mlo Evangelie, ⁹baši kova cidava sa dži ko phanlipa, sar disavo bilačho manuš. Ama e Devleskoro slovo nae tano phanlo. ¹⁰Baši odova izdržinava sa baši o izbirime, ta hem olada te dobinen spasenie e večno slavaja ko Hristos Isus.

¹¹Verodostojno tano o slovo:

Naš taro ternikane želbe

¹⁴Akava opomeninlen, seriozno predupredinlen anglo Devel, te na prepirinenpe baši o lafia, odova nae tano ništo korisno, nego tano propast baši okola so šunena.

¹⁵Trudin tut pažlivo, za da te sikavetu tut dostojno anglo Devel sar rabotniko, koj na trebela te ladžal, koj pravilno propovedinela o slovo e čačipaskoro!

¹⁶A cide tut taro nečista hem čuče lafia, soske asavke sa poviše ka džan anglal ko bizodevlipa. ¹⁷A lengoro slovo širinelape sar rako; taro koj tane o Imenej hem o Filet, ¹⁸koj cidingepe dur taro čačipe, tvrdinena deka o voskresenie vekje ulo hem odoleja rušinena i vera nekaskiri.

¹⁹Sepak cvrsto bešela e Devleskiri osnova, koja isila akava pečati: „O Gospodari pendžarela koj tane Leskere“ hem „Te cidelpe tari nepravda sekoj, koj spomninela e Gospodareskoro anav.“

²⁰A ko baro kher isi na samo zlatna hem srebrena čare nego hem kašteskere hem phuvjakere. Jek tane baši svečeno upotreba, a javera baši sekova dive te upotrebinen. ²¹Hem agjar, ako nekoj očistingjapes taro akala, ka ovel čaro baši svečeno upotreba, osvetimo, korisno e domakineske hem spremimo baši sekova šukar delo.

²²Naš taro ternikane želbe! Dža pali pravda, vera, mangipe hem mir okolencar koj povikujnena e Gospodare taro čisto srce.

²³Frdelen o glupava hem bizogogjakere pučiba, džandipaja deka bijanena borbe. ²⁴A e Gospodareskoro sluga na smejnela te rasprajnelpes, nego trebela te ovel krotko ko sarine, sposobno te poučinel hem te trpinel; ²⁵te vospitinelen so krotost okola koj protivinenapes, ta nebi li delalen o Devel pokajanie, baši pherdo pendžariba e čačipaskoro, ²⁶za da te otrezinenpes tari mreža e bengeskiri, koj zarobingjalen za da te ispolninen oleskiri vojlja.