Duša kojaj žedno baši o Devel

E Davideskoro Psalmi. Koga sine ki Judejsko pustina.

¹Devla, Tu sijan mo Devel, Tut rodava Tut; baši Tuke žednongja mi duša. Baši Tuke mo telo žedno rodela Tut sar pusto phuv, bizo plodi hem bizo pani.

²Dikhava sine Tut ko svetilište, dikhindor Ti slava hem Ti sila.

³To mangipe tano pošukar taro životo, me vošta ka slavinen Tut.

⁴Agjare ka blagoslovinav Tut dži kote sijum dživdo, ko Tlo anav ka vazdav me vasta.

⁵Mi duša ka ovel čali sar taro khil hem khoni, ka falinav Tut radosno voštencar.

⁶Setinava man baši Tuke ki postela, razmislinava baši Tuke e rakjakoro vreme.

⁷¹Tu uljan mi pomoš, radosno vikinava ki senka Tle pakengiri.

⁸Mi duša prilepinelape ki Tute, Tlo vas ikjerela man.

⁹Okola so gurinena mi duša ko propast, neka hulen hor tele ki phuv,

¹⁰neka hem oven predajme baši vlast e mačeskiri, neka oven hajba baši o lisice.

¹¹A o caro ka veselinelpe ko Devel; ka ovel falimo sekoj, koj delape sovli ki Leste, soske ka ovel phanlo o muj lengoro okolengoro so vakjerena hovajbe.