Лука 4

Е Исусескоро искушение

¹А о Исус, пхердо е Свети Духоја, иранѓапе таро Јордан, хем о Духо водинелале сине ки пустина ²саранда диве, коте сине искушимо таро бенг. А ко одола диве на хала сине ништо, а пало одола диве, Ов бокхалило.

³Тогаш о бенг ваќерѓа Леске: „Ако сијан Девлескоро Чхаво, ваќер акале бареске те овел маро.“

⁴А о Исус одговоринѓа леске: „Пишимој тано дека о мануш на ка живинел само мареја.“

⁵Хем ингарѓале ко учипе хем сикаѓа Леске, ко исто моменти, са о царствиа е светоскере. ⁶Хем ваќерѓа Леске о бенг: „Ка дав Тут са о власт хем оленгири слава, соске манге тани предајми хем ме давала каске со мангава. ⁷Хем аѓар, ако поклонинеја Тут манге, са ка овел Тло.“

⁸А о Исус одговоринѓа хем ваќерѓа леске: „Наш Мандар, сатано, соске тано пишимо: ‘Поклонин тут е Господареске, тле Девлеске хем само Леске служин!’“

⁹Хем ингарѓале ко Ерусалим хем чхиѓале ко врво е Храмескоро хем ваќерѓа Леске: „Ако сијан Девлескоро Чхаво, фрде Тут акатар теле, ¹⁰соске тано пишимо:

¹²О Исус одговоринѓа хем ваќерѓа леске: „Ваќердој тано: ‘Ма искушинле е Господаре, тле Девле.’“

¹³Хем откога завршинѓа секова искушение, о бенг цидинѓапе Лестар баши несаво време.

Е Исусескоро проповед ко Назарет

¹⁴Хем о Исус иранѓапе, ки сила е Духоскири, ки Галилеја хем о гласо баши Лесте шундило ки цело околина. ¹⁵А Ов сикавелален сине ко ленгере синагоге хем сарине прославиненале сине.

¹⁶Хем ало ко Назарет, коте со сине барило; кхуѓа ко саботно диве ки синагога, спрема Пло обичај, хем уштило те читинел. ¹⁷Денгеле о Лил таро пророк Исаија хем пхраѓале хем аракхља о тхан коте со сине пишимо:

²⁰Пханља о лил, иранѓале е службеникоске хем бешља, а о јајкха сариненгере ки синагога сине ираме ки Лесте. ²¹Хем почминѓа те ваќерел ленге: „Авдије пхердило акава Писмо, ко тумаре кана.“

²²Хем сарине сведочинена баши Леске хем чудиненапе сине баши о шуже хем гудле лафиа, со икловена сине таро Олескоро муј. Хем ваќерена сине: „Нае ли тано Акава о Чхаво е Јосифескоро?“

²³Хем ваќерѓа ленге: „Сигурно ка ваќерен Манге о лафи: ‘Докторе, сасќар ту тут коркори!’ Ќер хем акате, ко Тло бијандо крајо, са со шунгем дека ќерѓан ко Капернаум.“

²⁴Тогаш ваќерѓа ленге: „Чаче ваќерава туменге, дека нијек пророко нае тано примимо ко пло бијандо крајо. ²⁵Чаче ваќерава туменге – сине бут удовице ко Израел, ко време е Илијаске, кога о небо сине пханло трин берш хем шов масек хем уло баро бокхалипе ки цело пхув; ²⁶хем ки нијек таро олендар на сине бичхавдо о Илија, а само ки џувли удовица ки Сидонско Сарепта. ²⁷Исто сине бут лепрозна ко Израел ко време е пророкоскоро о Елисеј, ама нијек таро олендар на сине очистимо, освен о Сирицо о Нааман.“

²⁸А кога шунге одова, сарине ки синагога пхердиле хољаја ²⁹хем уштиле, палдингеле тари диз, хем ингаргеле ко јек ридо, ко кова сине ѕидими оленгири диз, за да те фрденле теле. ³⁰Ама Ов накхља машкар ленде хем гело песке.

О Исус проповединела хем ќерела чудиа ко Капернаум

³¹Хем хулинѓа ко Капернаум, диз ки Галилеја. Хем сикавелален сине ки сабота. ³²Хем чудиненапе сине баши Олескири наука, соске Олескере лафиа сине силна.

³³А ки синагога сине мануш астардо таро нечисто духо демони; ов викинѓа силно гласоја: ³⁴„Ех, со иси амен амен Туја – Исусе Назарецо? Дали аљан те уништине амен? Џанава, Кој сијан Ту: е Девлескоро Светецо.“

³⁵А о Исус заповединѓа леске, ваќерибаја: „Ќутин хем икљов олестар!“ Тогаш о демони е мануше фрдинѓале теле ко машкар хем иклило лестар, хем ништо на ќерѓа леске.

³⁶Хем сарине дарандиле хем ваќеренајне јек јекеске: „Савој тано адава лафи, властеја хем силаја заповединела е нечисто духонге, хем икљовена?“ ³⁷Хем ширисалило о гласо баши Олесте ко са о тхана ки околина.

³⁸Хем уштило тари синагога, кхуѓа е Симонеске ко кхер. А е Симонескири сасуј сине астарди тари силно треска хем замолингеле баши лате. ³⁹Хем телило ки лате, хем нарединѓа баши и треска со синела те мукела, хем ој мукљала, хем уштили одма хем служинѓа ленге.

⁴⁰А кога о кхам зајдинѓа, сарине, кас исине насвале таро разно насвалипе ангелен ки Лесте. А Ов чхиѓа Пе васта сариненде оленде хем сасќарѓален. ⁴¹Хем билачхе духиа икљовена сине буте џенендар хем викинена сине, ваќерибаја: „Ту сијан Девлескоро Чхаво.“ А Ов забранинела сине ленге хем на дозволинела сине те ќерен лафи, соске џанена сине дека Ови тано о Христос.

⁴²А кога сабајлескоро леља те дикхјол, Ов иклило хем гело ко пусто тхан, а о народо роделале сине хем але џи ки Лесте, хем мангена сине те иќеренле за да те на џал песке олендар. ⁴³А Ов ваќерѓа ленге: „Хем ко јавера диза требела те проповединав ленге о Евангелие баши е Девлескоро Царство, соске Сијум бичхавдо баши одова.“

⁴⁴Хем проповединела сине ко синагоге ки пхув Јудејско.